صباح النشاط والتغيير .. صباح الأفكار والتجديد .. صباح ال بتغنى
فى ناس كتير بتسأل ازاى نجدد من حياتنا .. ازاى نغير حياتنا
ازاى اعود لسانى انه ميكدبش عشان لم اتجوز واخلف اعود ولادى على الصدق
ازاى مقولش الفاظ وحشة
ازاى محلفش كتير وابطل حلفانات عمال على بطالازاى اعلم ولادى تعليم كويس واربيهم صح .. ازاى اعود ابنى من صغرة على الصلاة ويصلى
ازاى اخلى ابنى ميقولش الفاظ وحشة .. ازاى اصاحب ابنى او مراتى ويحكولى كل حاجة
ازاى اغير من نفسى وابدا حياة جديدة مع مراتى واولادى واعيش حياة سعيدة ونجدد الروتين
الفكرة ببساطة انك هتعمل صندوق صغير فى البيت طب وبعدين ؟؟؟
الصندوق ده هيكون شفاف ومش هيكلفك فلوس كتير وممكن بدل
ماتشترى أو تعمل صندوق ازاز ممكن تجيب اى علبة بلاستيك بغطه
وتحطة فى البيت وأى واحد يغلط يحط فى الصندوق غرامة وخلى بالك
الغرامة هتكون على الكبير والصغير وكمان الكبير هيدفع غرامة مضاعفة
يعنى انت اتعصبت على مراتك مثلآ قولت لفظ مش كويس او غير لائق
او اهانة يحط فى الصندوق غرامة والغرامة مش كبيرة يعنى فلوس رمزية
طبعا ممكن بالفكرة دى تعمل حاجات كتيرة جدا مثلآ لو ابنك ذاكر
او حفظ قران هتقولة انا هحط فى الصندوق مبلغ كذا ولو فى اخر
الاسبوع معملتش غلط وكنت كويس طول الاسبوع هتاخد الفلوس
ولو عملت غلط يبقى الفلوس راحت عليك وبكدة انت ممكن تحفذ
بيها ابنك على المذاكرة او حفظ القران وكل ماهيكون فيه تحفيذ منك
اكتر كل ماابنك وبنتك هيكون عندهم نشاط وتحفيذ اكتر واكتر
وممكن تعود ابنك من صغره انه يقرأ كتير ويتعلم كتير ويذاكر وووو
فية ناس ممكن تقول ان كدة الولد او البنت هيكونوا مادىين يعنى ممكن يكبر
ويعمل أى حاجة بفلوس وهدفة مش هيكون العلم هدفة الفلوس وخلاص
فية حل بسيط انه بدل ماياخد الفلوس توعده مثلآ انك تجبلة هدية جميلة
او لعبة ذكاء والأفضل بقة انك تقولة بالفلوس دى هننزل نتفسح يوم الاجازة
وبكدة إن شاء الله هتجدد من حياتك وهتقضى يوم جميل مع ولادك وزوجتك
اتمنى ان الفكرة تعجبكم والفكرة مقتبسة من مسلسل يوميات ونيس
الفكرة جميلة وعجبتنى جداجدا وأتمنى انها تعجبكم وتنفذوها وادعولى
ان ربنا يباركلى ويرزقنى بزوجة صالحة وذرية صالحة ونعيش حياة سعيدة
