اتمنى تبعتلى رايك فى الموقع ولاتبخل عليا باقتراحك رسالتكم بتفرحنى كتير

https://yasseratrees.sarahah.com

تجربتى بالصور فى تحضير ورق الجيش الى إستلام شهادة التاجيل

للفضفضة والنقاش فى كل المواضيع المفيدة والعامة والمتنوعة
أضف رد جديد
صورة العضو الشخصية
ياسر عتريس
إدارة المنتدى
إدارة المنتدى
مشاركات: 545
اشترك في: الثلاثاء مارس 20, 2007 3:20 pm
مكان: محطة عتريس
اتصال:

تجربتى بالصور فى تحضير ورق الجيش الى إستلام شهادة التاجيل

مشاركة بواسطة ياسر عتريس » السبت أغسطس 17, 2013 7:25 am

السلام عليكم ورحمه الله وبركاته

فى البداية ياجماعه أنا مش شغال فى الجيش ولا لية أى علاقة بالجيش أنا بس حبيت أنقل ليكم تجربتى ازاى حضرت ورق الجيش واية ال حصل معايا فى منطقة التجنيد بالعامرية "لو كنت من إسكندرية أو البحيرة أو مطروح" باقى المحافظات للأسف معرفتش منطقة التجنيد بتاعهم فين

لازم تعرف إن سنة الجيش بتتقسم نصين الأول من بداية السنة لـ شهر 6 والنص التانى لباقى السنة شوف أنت نص كام وأسال فى مكتب التجنيد والتعبئة ال جنب المركز قوله معاك مؤهل كذا وامته أسلم ورق الجيش بتاعى وعلى فكرة الإجراءات وتحضير الورق سهل إعمل ورقك قبل الميعاد بأسبوع

الأوراق المطلوبة للتجنيد :-

1:) المؤهل الحاصل عليه [الشهادة المؤقتة - شهادة التخرج - الإفادة] الأصل طبعآ
2:) بطاقة 6 جند [ال عملتها وأنت فى الكلية ، الكلية هتسلمهالك تانى]
3:) شهادة ميلاد كمبيوتر [من السجل المدنى جنب المركز بـ أقل من 10 جنية تقريبآ وبالبطاقة الشخصية وبتستلمها فى نفس اللحظة]
4:) 3 صور شخصية [4x6 خلفية بيضة بدون دقن والشعر خفيف]
5:) فصيلة الدم [من أى مستشفى حكومى وبتخدها فى نفس اللحظة ولازم يكون عليها الختم وتقريبآ بـ 10 جنية]
6:) صحيفة الحالة الجنائية [فيش جنائى عشان الجيش وتقريبآ بـ15 جنية ومده صلاحيته 3 شهور بس وهتستلمه بعد ماعملته بيوم]
7:) صورة من البطاقة الشخصية
8:) قسيمة الجواز فى حالة الجواز
9:) رخصة قيادة [لو معاك ولو مش معاك عادى]

بعد ماتخلص الورق سلمه لـ مكتب التجنيد فى اليوم ال قالك عليه نصيحتى مترحش أول أو تانى يوم بيكون زحمه بعد ماتسلمه هيديك الفيش الرباعى من 3 ورقات هتملاه ببياناتك هتدخل المركز تختمه وتبصم علية وبعد كدة هتسلمه تانى لمكتب التجنيد وهيقلك تعالى يوم كذا عشان تستلم الورق

هتستلم ورقك من مكتب التجنيد ومعاه (نموذج 20 جند) ومكتوب عليه الميعاد ال هتروح فية العامرية ، صور كل الورق 6 نسخ ولو زودت يكون أحسن وبلاش تأخد الموبيل وإلبس بوكسر داخلى طويل وحط ورقك فى File ومعاك واحد احتياطى وإحلق دقنك وخفف شعرك

هتصحى بدرى وليكن قبل الفجر بساعه أهم حاجة تكون هناك عالساعه 6 عشان تقف فى اول الطابور وهتدخلوا على أول البوابة هيطلع كذا عسكرى هتعملوا طابور هتدخل على بوابة تانية هتقف فى طابور هتشمر البنطلون للشراب للتفتيش هيفتشك وهتدخلوا تحت مظلة وفيها كراسى

هيجي عسكرى هيقول للصفوف الأولى ال معاه الورق كذا وكذا ومصورة كذا نسخة يعمل طابور هتروح تقف ادام شباك هطلع الـ 6 جند الأصل أو الصورة هياخد الـ 6 جند وهيوزع مجلة النصر بتاعت الجيش وكتاب دليل شاب التجنيد بعد كدة هيلف عسكرى ويأخد 1,75 ثمن المجلة والكتاب وهتأخد بون إثبات أنك دفعت فلوس المجلة والكتاب وهيديك الـ6جند وهيقلك روح على المظلة ال هناك

هتقعد تحت المظلة العسكرى هيطلب منك ترتيب ورقك بشكل معين هيعدى عليك هيدبسلك ورقك هتقفوا طابور على حسب المحافظات هتحط ورقك ال رتبته من شوية تحت المظلة حطة فى File وهيأخد الورق وهتدخل على صالة الإستقبال

هيجيلك عسكرى هيقلك على شوية حاجات ال ممكن تأخد فيها تأجيل وإعفا نهائى هتقفوا طابور وهتروح للصالة هتقلع ال فوق والجزمة وهتلبس السترة "جاكيت العسكرى الزيتى" ومعاك الـ 6 جند هتسلمها للعسكرى ال أدام الكمبيوتر هتتصور وتوزن وهتأخد الـ6 جند تانى وهتطلع تلبس هتاخد ورقك وهتمشى مع الخط الأحمر هتروح للكشف الطبى

هتدخل لصالة هتلاقى سلة إقلع هدومك كلها ماعدا البوكسر حط هدومك فيها وأقف فالطابور هتدخل عالكشف ومعاك ورقك تديلة للدكتور عشان يختمه ولو عملك دائرة يبقى فية مشكلة وبعد ماتخلص هتقعد فى الصالة فى طوابير عالأرض وهيطلع دكتور يقلك فية حد عنده حاجة أو بيشتكى من حاجة هتقعد حبة وهتروح على العيادة المتخصصة هيوقفكوا فى طوابير الناس ال بتشتكى من حاجة هتستنى والسليم هيسلم ورقة ويروح يلبس هتلبس وهتروح لأوضة زى أوضة المحاضرات

المقابلة الشخصية هتقعد شوية لم الورق يجي وهيطلب منك الظابط تكتب شوية بيانات زى الإسم والعنوان ووظيفة الوالد والتليفون وهكذا على الإفادة "شهادة التخرج" وهتدبس الورق وتسلمه للظابط وهتقله وظيفة الوالد إية وهيرشحك ياما عسكرى ياما ظابط وهتروح على صالة لإستلام الـ 110 جند

هتستلم الـ 110 جند مكتوب عليها تخصصك والترشيح يااما جندى أو ظابط وسنة التخرج بسنة زيادة أو بدون وميعاد الإرجاء ولو مكتوب سنة التخرج فى الـ110 جند سنة زيادة فهتلبس هتلبس

هتروح تانى بس حاول تتأخر شوية هتقف فى طابور هتدخل تحت المظلة هتلاقي عساكر بتبيع بسكوت وشيبسى وعصير لو عايز تفطر هتقعد للساعه 11 أو 12وتيجي الإرجا هتسمعها هيبدأ بالتخصصات وهيدخل عالمواليد يااما تأجيل أو هتلبس ال هيلبس مش عارف هيحصلة إية وال هيأخد تأجيل هيأخد ميعاد عشان يجي يستلم شهادة التأجيل

هتروح تستلم شهادة التأجيل فى الميعاد ال قالك عليه هتصحى برحتك مش لازم تصحى بدرى هتدخل منطقة التجنيد هتروح تقف فى طابور على شباك بتدفع مبلغ رمزى تقريبآ ٌ أقل من 20 جنية وبتستلم شهادة التاجيل من العسكرى وبيكون واقف تحت المظلة بتستملها وبتروح

ودى كانت تجربتى :wave:

ملحوظة : تم استلام شهادة الاعفاء وتم حذف الصور
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

أضف رد جديد

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد