كورس تنمية بشرية عملى من شخص تعب وكافح فى حياته

شاركنا تجربتك في الحياة
أضف رد جديد
صورة العضو الرمزية
ياسر عتريس
إدارة المنتدى
إدارة المنتدى
مشاركات: 696
اشترك في: الثلاثاء مارس 20, 2007 3:20 pm
مكان: محطة عتريس
اتصال:

كورس تنمية بشرية عملى من شخص تعب وكافح فى حياته

مشاركة بواسطة ياسر عتريس » الجمعة أكتوبر 11, 2013 3:57 pm

صورة

ازيكم جيمعا وصباح الفل ع الناس الفل

مفيش أجمل انك تقابل شخص وعاش الدنيا بطولها وبعرضها واتعلم كتير منها ويحكيلك

مفيش اجمل انك تسمع قصص وحكاوى ناس زمان الى عاشت الدنيا بحولها ومرها

مفيش اجمل تسمع قصة شخص كافح واجتهد وحارب عشان يبقى ناجح ومتميز

صورة

بنسافر كتير فى المواصلات العامة بنقابل كتير وبنسمع كتير وناس تنصحك وتطنش

وتقول فكك ياعم وناس تانية تتأثر بالكلام وتفكر فى الكلام وتحاول تصحى لنفسها

صورة

حصلى موقف وحبيت احكيلكم عليه وممكن يكون الموقف ده عدى عليك كتير

ويمكن عدى عليك مواقف اجمل من كدة بكتير واكيد شفت ناس حواليك ناجحين

عمرك سألت نفسك الناس دى عملت اية عشان يكونوا ناجحين او مرتاحين فى حياتهم

صورة

كنت بدور على عريبة نقل ع وكان معايا رقم سواق وتليفونة مقفول وسبحان الله

وانا واقف لقيت عربية نقل معدية من قدامى وقفته واتفقت معاه ومكنش طماع

ومتهاون فى السعر ركبت معاه وكانت المسافة صغيرة جدا واتمنيت ان المسافة

تطول لانى حسيت انى كنت كورس تنمية بشرية من شخص تعب وكافح فى حياته

واعتمد على نفسة وحط القرش علي القرش ومر بمواقف كتير فى حياته وازاى عمل

نفسة بنفسة وكان عنده هدف في حياته وحط تحت كلمه هدف مليون خط فية ناس

عايشة وخلاص وفعلا انا اتعملتها لم كنت بحاول استرجع ذكرياتى وايام زمان الى كنت

عايش فيها من غير هدف كنت عايش وخلاص قالى لازم الانسان يقع ويزهق ويمل وتخنق

ويمر بظروف صعبة جدا عشان يتعلم محدش بيتعلم ببلاش وعشان تحس بطعم النجاح لازم

تشتغل وتكافح متستناش الشغل يجيلك لغايت عندك انزل دور على اى حاجة احسن مالقعدة

فى البيت وهتجيب قرش وتحط القرش ع القرش يبقوا قرشين ومش لازم المجال بتاعك

صورة

وحكالى ازاى بدا من الصفر واول مابدا يشتغل والده كان معترض واول قبض سافر

بيهم بورسعيد كان اول مرة فى حياته يسافر واشترى لبس واتفسح وكان بيفرح

لم مرتبة او يوميته تزيد من 5 لـ 7 ج وكان بيستحمل وبيتعلم وبيعلم نفسة ازاى

يتحمل المسئولية واتجوز ووالده مسعدهوش بمليم واحد ومكنش بيرح مكان الإ

لم يتعلم منه وبيحاول يثبت نفسة فى المكان ال بيروح فية وحكالى على حاجات

كتيرة جدا للأسف مش فاكرها بس كنت مستمتع جدا واتعلمت منه كتير جداجدا

صورة

وعربيته اتسرقت وكان عليها اقسام وجايبها بتعب وشغل سنين واشتغل تانى

وميأسش واشترى عربية نقل مستعملة بالتقسيط ولسة بيحاول يدفع اقساطها

ونقل كذااا مرة من بيت إيجار لأخيرآ إيجار قديم وبيحمد ربنا كتير جدا على نعمه

صورة

عادة مش بحب أطول فى المواضيع ولاأحب أتقل عليكم وحاولت أختصر بقدر الايمكان

بس اتعملت فى اليوم دة حاجات كتيرة جدا لازم تحدد هدف فى حياتك وتتعلم ازاى

تشيل وتتحمل المسئولية لازم تكافح وتتعب عشان توصل للى انت عايزة وتحس فعلا

بطعم النجاح لو وقعت مرة فوق نفسك وقوم تانى واحمد ربنا ع الى انت فية واخيرا قبل

ماتبص على الناس الى ربنا رزقها بالمال والصحة والعيشة التمام اسالهم عملوا اية فى

حياتهم وهتعرف هم قد اية تعبوا فى حياتهم وكافحوا كتير جدا وال هم فية دة مش مالهوا

ومش من يوم وليلة بقوا كدة واعذرونى لو الموضوع طويل واتمنى انكم تستفيدوا وشكرآ

صورة
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

أضف رد جديد