زمبقة ستور حدوتة السعادة كل اللى نفسك فية هتلاقية

https://www.facebook.com/zombokastore

فضفضة شاب مدخن .. ازاى ابطل تدخين وربنا يتوب عليه منها

شاركنا تجربتك في الحياة
أضف رد جديد
صورة العضو الرمزية
ياسر عتريس
إدارة المنتدى
إدارة المنتدى
مشاركات: 699
اشترك في: الثلاثاء مارس 20, 2007 3:20 pm
مكان: محطة عتريس
اتصال:

فضفضة شاب مدخن .. ازاى ابطل تدخين وربنا يتوب عليه منها

مشاركة بواسطة ياسر عتريس » الثلاثاء يناير 07, 2014 11:46 pm

صورة

شباب كتير نفسة يبطل سجاير وأولهم أنا والمشكلة إنى بكتب الموضوع

وفى إيدي السجارة وبطلتها كتير ورجعتلها تانى وفكرت اكتب الموضوع

كمجرد فضفضة ولية إحنا بنشرب سجاير :question: ولية بنندم ونتخنق لم نشربها

وبعد مانندم نرجع نشربها تانى سعات بحس أن الواحد بايديه سعادته وبيدمر

نفسة وبيدمر صحتة وبيعمل الحاجات الى تخنقة وتزيد همه وتدمره أكتر :eh:

صورة

السجاير هى عادة وتعود يعنى عودنا نفسنا اننا نشرب سيجارة بعد الأكل

اتعودنا لو اتخنقنا او اتعصبنا او زهقنا نشربها حتى لو فرحانيين نشرب

وكل حاجة بنعملها فى حياتنا ربطناها بالسيجارة وللأسف بقت عادة :cry:

وبرمجنا نفسنا ان السيجارة هى الى بتفرحنا هى الى بطلع فيها زهقى

وبضيع وقتى لو فاضى وربطنا العادة الزفت التدخين وبرمجنا المخ عليها

صورة

أكتر المدخنين ومن ضمنهم أنا عارف أضرار التدخين بس عارفة بالسمع

يعنى بسمع ناس كتير بتقول السجاير مضرة بتسبب سرطان لكن عمرى

ماقرأت موضوع عن أضرار التدخين ولو قرأت مش هحس بالمرض إلا لم

أصيب بية وللأسف المشكلة الأكبر لم تكون لسة مصلى وبتدعى

ربنا من قلبك وبعد ماتخلص تشرب سيجارة تناقض فظيع الشكل :redface:

صورة

السجاير مش بس بتخنقنى وتزهقنى كمان بحس انى بقلل من نفسى جدااا

ونظرة الناس لية بتتغير بتأثر على علاقتى مع ربنا بتعملى مشاكل كتيرة جدااااا

وبتخلى ريحة فمي وحشة وكمان بضيع فلوس وفى أخر الشهر بشحت واستلف

صورة

كل ماأشرب سيجارة عايز أقول لنفسى هو أنا بستفاد منها فى اية بدخل زفت

وقطران وهباب وبكتم نفسى وبدمر صحتى وبتفلسنى ولم بطلع السلم بشحر

طب ازاى بتسلى وقتى طب مانا ممكن اعمل حاجة تانية مفيدة ومفكرش فيها

لازم قبل ماابطلها استغل وقتى الفاضى احاول اشغل نفسى بكذا حاجة جديدة

صورة

أفضل طريقة جربتها ازاى تبطل سجاير بصلى ركعتين وبدعى ربنا يتوب

عليه من السجاير ويكرهنى فيها ويبعدنى عنها وبكسر علبه السجاير كلها

وفى اليوم الجديد بحاول أغير العادات الى متعود عليها زى مثلآ انا بفطر

وبشرب الشاى والسيجارة وانا قاعد ع النت ببطل شاى خالص وأمنعه

وبدل مااقعد على النت بنزل أو بقرأ قران بنسى اصلآ انى ببطل سجاير

عشان مفكرش فيها كتير بتمشى شوية لوحدى وبحاول ع الاقل يومين

او ثلاثة مختلطش بناس بتشرب سجاير بشرب ماية كتير وعصير سعات

بشترى لب بس ده بيكون بليل وبمسك السبحة وأسبح وأستغفر ربنا

بقعد مع والدتى وندردش فى أمور الدنيا ببعد عن كل حاجة تعصبنى

صورة

اتمنى انكم تدعولى ان ربنا يتوب علينا منها توبة نصوحة وربنا يكرهنى فيها

وقبل ما هنزل الموضوع كسرت علبه السجاير دلوقت وهقوم اصلى ركعتين

الشفع وركعة الوتر بنية ربنا يتوب عليه من السجاير ويارب بكرة محاولش

افكر فيها مجرد التفكير ولو فكرت اشرب هشوف صور اضرار التدخين

واحاول اسمع فيديوهات القراءة لوحدها مش كفاية اشوف بعينى افضل

صورة
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

صورة العضو الرمزية
ياسر عتريس
إدارة المنتدى
إدارة المنتدى
مشاركات: 699
اشترك في: الثلاثاء مارس 20, 2007 3:20 pm
مكان: محطة عتريس
اتصال:

تجربتي في ترك التدخين والاقلاع عن السجاير

مشاركة بواسطة ياسر عتريس » الثلاثاء نوفمبر 26, 2019 1:11 am

بفضل الله وكرمه بعد محاولات كتيرة جدا انى ارجع واشرب

واشتري علب سجاير واشرب منها واحدة او نص وارميها :e_confused:

بطلت سجاير نهائى في [21-7-2017] دعواتكم بالثبات
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

أضف رد جديد