[تجربتي] فى توصيل النت من وصلة ماساة حقيقية

شاركنا تجربتك في الحياة
مغلق
صورة العضو الرمزية
ياسر عتريس
إدارة المنتدى
إدارة المنتدى
مشاركات: 693
اشترك في: الثلاثاء مارس 20, 2007 3:20 pm
مكان: محطة عتريس
اتصال:

[تجربتي] فى توصيل النت من وصلة ماساة حقيقية

مشاركة بواسطة ياسر عتريس » الأحد يونيو 01, 2014 9:19 pm

صورة

عارف يعنى اية توصل نت من شبكة موجودة عندك فى الشارع او فى منطقتك

سواء بقة واخدها من سيبر او من واحد عامل شبكة نت وبيوزع وصلات كتتيرة

فى الأول هتفرح بية كام يوم حتى لو فصل هتقول مش مشكلة كمان شوية

يتعدل ويرجع تانى الواحد ماصدق انه عنده نت في البيت وكمان رخيص جدا

او عالاقل هدور على شغل وابعت السى فى بتاعى لشركات ولو فصل مرة

او اتنين مش مشكلة احسن من مافيش بدل قعده السيبر والبهدلة :crazy:

صورة

كل يوم لو حسبتها جنية او اقل من جنية مية فل اوى :eh:

أحسن ماجيب نت على خط التليفون وادفع 95 ج اقل حاجة

او اوصل نت مع جارى الى جبنى ونقسم الفلوس بالنص :e_sad:

ودى بداية وقوعك فى الفخ فعلآ فخ طب ازاى فخ :problem: :shifty:

صورة

اقسم بالله وصلة النت لتكرهك فى النت واليوم ال دخلت فية نت

كل شوية بيفصل والى أسود لم تكون عايز تعمل حاجة مهمه

او تبعت سى فى او بتدور على شغل عن طريق مواقع النت

وتفتح نت شغال بس مش بيفتح اى حاجة وتقيل جداااا :e_confused:

وكل ماترفع صورة مش راضية تترفع وتقعد ساعتين لم تمل :wtf:

صورة

طب سيبك من دى لم تكلم صاحبك ع الفيسبوك او تعلق ع حاجة

او تبعت لواحد صحبك وتكلمه عادى وتكتشف انك مش بتبعتله

وتقعد تبعت الرسالة كذا مرة وتعمل ريفرش للفيسبوك كذا مرة

والرسالة نصها اتبعت والنص التانى متبعتش تزهق وتتخنق

والى يشل بقة ويخنق وانت بتعمل ريفرش للفيس بوك :e_surprised:

سعات الفيسبوك يحمل نصه والنص التانى ميتحملش :crazy:

صورة

لم تقعد تكتب فى موضوع ساعه على المنتدى وفية شرح

وحاجات كتير وترتيب معين تلاقى النت فصل او تلاقى النت

ساعه بيحمل وفى الأخر يقلك ادخل اليوزر نيم والباس ووارد

وحاجات كتيييييير جدا جدا سعتها هتقول يحرق النت والنتيت

والى عايز يوصل نت واليوم الى فكر يوصل فية نت :sad: :evil:

صورة

والى يخنق تتصل بصاحب النت او الى موصلك وصلة النت ياما ميردش

او عامل خاصية او تتصل بية تلاقية واتنج وبعد كدة يقفل موبايلة :sick:

وياسلام بقة لو رد عليك تبقى مزقطط وتيجي تكلمة بهدوء وبراحة

يقلك حاضر هشوف الموضوع بس انا برة قدامى شوية ولم هرجع

هشوف المشكلة وسعات يمكن يقلك المشكلة عندك انت وبس

ومحدش اشتكى خالص من الموضوع تنزل ويندوز وتظبط الكمبيوتر

وتيجي تكتشف ان الموضوع مشكلة فى وصلة النت وسيرفر النت

صورة

طب سيبك من كل ده لم تلاقى اول الشهر جه لازم تدفع اشتراك

النت وتفتكر تلاقى ان النت لو حسبتها مشتغلش غير 10 ايام بس

فى الشهر وكمان انا ببالغ لالالالا بس سعات اكتر عشان مظلمش

حد او افترى على حد وللأسف انك مضطر تدفع فلوس النت عشان

مفيش حاجة بتسليك غيره ومفيش غير الراجل ده ال بيوصل نت

فى الحتة بتاعتك وعلى فكرة مش بيتصل بحد يقولة ع الاشتراك

الموضوع ده فكرنى بقة كنت موصل بردة قبل كدة مع واحد :lol:

صورة

اقسم بالله كنت كل يوم بتصل فية فى اليوم اكتر من تمنهاشر

مرة عشان يحن عليه والنت كان عليه علامة اكس يعنى فاصل

خاااااالص ومستخدمتش النت غير 3 او 4 ايام اقسم بالله دفعت

تقريبا فلوووووس كتيرة جدا اول ماوصلت دفعت 50 ج غير السلك

وبعدها بشهر ومكنش النت اشتغل نهائي جه وقال عايز 60 ج

واخدهم وللاسف مكنتش فى البيت بعدها صلح النت بعد عذاب

اشتغل بالكتير اسبوع او اقل وفصل اتصلت بيه وشهر عشان يرد

استاذ ياسر جايلك ياباشا انا تحت امرك وكل يوم كدة فالاخر نفض

وانا كمان بطلت رحت نازل وشايل سلك النت بتاعى وبعدها نقلت

صورة

اخر حاجة بقة بقالى تقريبا ساعتين عشان اكتب الموضوع دة والنت

تقيل جدا وسعات بيفصل فالأخر كتبته وحفظتة فى Text وطلب منى

اليوزرنيم والباس بتاع النت وعملت ريستارت للكمبيوتر وشغلت برنامج

Hotspot Shield ويدوبك بفتح حدوتة واخيرااااااا شفت المنتدى وفتحتة

وبحاول اعتمد الموضوع وربنا يكرمنى بقة واكتب الذل والمعاناه بتاعى

صورة

ودى كانت تجربة واحد وصل نت من وصلة وفرح اول يومين بالنت :e_sad: :e_sad:

ومكنتش اعرف انى هكره النت واليوم الى فكرت اوصل نت فية

صورة
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

صورة العضو الرمزية
ياسر عتريس
إدارة المنتدى
إدارة المنتدى
مشاركات: 693
اشترك في: الثلاثاء مارس 20, 2007 3:20 pm
مكان: محطة عتريس
اتصال:

[تجربتي] فى توصيل النت من وصلة ماساة حقيقية

مشاركة بواسطة ياسر عتريس » الثلاثاء نوفمبر 26, 2019 1:31 am

بعد الماساة دى كلها فصلت وصلة النت يوم [4-11-2014] للابد ان شاء الله

واتعاقدت على النت فى شركة [Te-data] يوم [29-10-2014] في اسكندرية

بعتولى رسالة يوم [13-11-2014] واشتغل بعدها بيوم ويافرحة ماتمت :lol: :lolno:

صورة

نقلت وسافرت ايتاي البارود من تاني واتعاقدت مع موزع نت لـ دي داتا

ووصلت نت لوحدى يوم [27-1-2015] والحمد لله شغال زى الفل :thumbup: :thumbup:
صورةصورةصورةصورةصورةصورةصورةصورة

صورةصورةصورة . صورةصورةصورةصورةصورةصورة

صورةصورةصورةصورةصورةصورة صورةصورةصورةصورةصورةصورة

مغلق